Новости

Энергетика саласы (жылу энергетикасы) бойынша
техникалық және кәсіптік, орта білімнен кейінгі білім беру
ұйымдарының педагогтері арасындағы
республикалық кәсіби шеберлік конкурсы туралы
АҚПАРАТ

2025 жылғы 16-17 қазан күндері Ұлытау облысы білім басқармасының «Жезқазған жоғары политехникалық колледжі» КМҚК базасында энергетика саласы (жылу энергетикасы) бойынша техникалық және кәсіптік, орта білімнен кейінгі білім беру ұйымдарының педагогтері арасындағы республикалық кәсіби шеберлік конкурсы өткізілді.

Конкурсқа энергетика саласының келесі мамандықтары бойынша:
07130300 «Жылу электр станцияларының жылу энергетикалық қондырғылары»; 07130400 «Жылу техникалық жабдықтар және жылумен жабдықтау жүйелері (түрлері бойынша)» техникалық және кәсіптік білім беру ұйымдарының арнайы пәндер оқытушылары қатысты.

Конкурсқа келесі өңір педагогтері қатысты:
-Алматы қаласы білім басқармасының «Алматы энергетика және электронды технологиялар колледжі» КМҚК;
-Маңғыстау облысы білім басқармасының «Н. Бекбосынов атындағы Маңғыстау энергетикалық колледжі» МКҚК;
-Қостанай облысы білім басқармасының «Рудный тау-кен-технологиялық колледжі» КМҚК;
-Шығыс-Қазақстан облысы білім басқармасының «Өскемен жоғары политехникалық колледжі» КМҚК;
-Павлодар облысы білім басқармасының «Жаяу Мұса атындағы Ақсу жоғары көпсалалы колледжі» ШЖҚ КМК;
-Атырау облысы білім басқармасының «Атырау энергетика және құрылыс колледжі» КМҚК;
-Ұлытау облысы білім басқармасының «Жезқазған жоғары политехникалық колледжі» КМҚК.

Ұлытау облысы білім басқармасының бұйрығымен қазылар алқасының құрамы бекітілді.Әділқазылар қатарында әлеуметтік серіктестер «Kazakhmys Distribution» ЖШС, "Kazakhmys Energy"ЖШС кәсіпорын мамандары, жергілікті кәсіпкерлер палатасының өкілі және өңірлерден сарапшы-компатриот оқытушылар енгізілді.

Салтанатты ашылу рәсімінде Ұлытау облысының білім басқармасы басшысының м.а. М.Ж.Туребеков, облыстық маслихат депутаты, Жезқазған бизнес және көлік колледжі директоры С.С. Жумкина қонақтарға, қатысушы педагогтерге жылы лебіздерін білдірді. Жезқазған жоғары политехникалық колледжі директоры Б.М. Аман оқу орнына қысқаша сипаттама жасай отырып, жылу техника мамандығының жетістіктеріне тоқталып өтті.

Байқау тапсырмалары жылу-энергетика саласындағы педагогтардың теориялық және практикалық дайындығын анықтауға бағытталды. Конкурс тапсырмаларын орындау 2 кезеңмен өткізілді.
1 кезең - теориялық бөлім, 2 модульден тұрады: 
1 модуль - Мамандығы бойынша кешенді тестілеу
2 модуль - Слесарлық жұмыстарды орындаудың технологиялық картасын әзірлеу (металдарды кесу)
2 кезең – практикалық бөлім, 2 модульден тұрады:
3 модуль - Еңбекті қорғау және техникалық қауіпсіздік бойынша жағдаяттар шешу
4 модуль - Қазандық қондырғының жылу схемасын құру және әзірленген сызбаны қорғау.

Байқау аясында энергетика саласына мамандар дайындайтын республиканың әр өңірінен келген оқытушылар арасында диалогқа, білім беру мәселелерін талқылауға, тәжірибе алмасуға және өзара тиімді ынтымақтастыққа қолайлы жағдай жасау өте маңызды болды.Барлық модульдер тапсырмаларын орындау нәтижелері бойынша жеңімпаздар анықталды:

• Жүлдегерлер:
• 1 орын - Жұмағазы Баймұхан Нұрланұлы - Маңғыстау облысы, Н.Бекбосынов атындағы Маңғыстау энергетикалық колледжінің арнайы пәндер оқытушысы;
• 2 орын - Едилбаева Ақбаян Муханбетжановна – «Жезқазған жоғары политехникалық колледжі» КМҚК арнайы пәндер оқытушысы;
• 3 орын - Рамазанова Дана Кайрлановна – «Өскемен жоғары политехникалық колледжі» КМҚК арнайы пәндер оқытушысы;
• 3 орын - Нурпеисов Жигер Советканович – «Алматы энергетика және электронды технологиялар колледжі» КМҚК арнайы пәндер оқытушысы;
• 3 орын - Жакупбаева Айнаш Мейрамтаевна -«Атырау энергетика және құрылыс колледжі» КМҚК арнайы пәндер оқытушысы

2 қатысушыға республикалық конкурсқа қатысқаны туралы сертификат берілді.
-Байдахметова Айгерим Каиржановна -«Жаяу Мұса атындағы Ақсу жоғары көпсалалы колледжі» ШЖҚ КМК, арнайы пәндер оқытушысы;
-Ерполатов Алихан Еркасымович -«Рудный тау-кен-технологиялық колледжі» КМҚК арнайы пәндер оқытушысы.

Бұл мақала 2025 жылдың 16–17 қазанында Жезқазған жоғары политехникалық колледжі базасында өткен жылу энергетикасы саласы бойынша техникалық және кәсіптік білім беру ұйымдарының педагогтері арасындағы республикалық кәсіби шеберлік байқауының нәтижелеріне арналған. Байқау арнайы пән оқытушыларының кәсіби құзыреттілігін бағалап, үздік педагогтердің шығармашылығын қолдауға бағытталды. 
Сілтеме:  Úzdik pedagog jýrnaly